Sarrera

C’est la vie…

2008 Ekaina 16

Azterketak bukatu dira!!

Jadanik, estresaz beteriko hiru egun hauek pasa ditugu eta gutako askok, oporrak hartzeko gogoak ditugu. Hala ere, egun hauen ondoren, errekuperazioak datozkigu, baina saiatuz, eta gogo pixka bat jarriz, gauzak errazago egiten dira.

Gutako gehienok, txikitatik egon gara elkarrekin eta gaur, elkarrekin azkeneko eguna dela pentsatzea sinestezina dirudi.

Horregatik, azkeneko blogeko berria, zuei eskaintzea erabaki dugu, gehien bat eskerrak emateko. Gehienok, ezin izan dugu elkar ezagutu, mila arrazoirengatik, baina arraroa badirudi ere, zuek gure bihotzaren zati bat beteko duzue.

Urte hau eramangarriagoa egin duzue, klaseak alaitasunez eta irrifarrez bete dituzue, eta denok zuei esker zerbait berria ikasteko aukera izan dugu. Ezin izan dugu klase askotan eta momentu askotan elkarrekin egon, batez ere, ikasgai batzuetan bereizita egon garelako baina gure artean piztutako adiskidetasun hau ez da inoiz itzaliko.

Nahiz eta hemendik aurrera, asko elkarrengandik oso urruti egon, bizitzan zehar berriro elkartuko garela seguru gaude, bizi izan ditugun urte guzti hauek oroimenara berriro ekartzeko asmotan. Beraz, bakarrik zorte ona opatzea gelditzen zaigu, guztioi bizitzak hoberena eskainiko dizuelakoan, zoriontsu izango zaretelakoan eta guztion ametsak beteko direlakoan.

Aurten izan ditugun irakasleentzat ere hitz batzuk eskaintzea ez litzateke gaizki egongo: izan ere, haiei esker gure izaera hezitzeko aukera izan dugu, laguntza eskaini baitigute eta momentu txarretan hor egon direlako guztion arazoak eta kezkak entzunez (ez izan zorrotzak notak jartzeko garaian ).

Besterik gabe, aurreko guztia kontuan hartuta, zorte on eta hemendik gutxira elkar ikusiko dugula espero dugu. Aio!!!

Garbiñe eta Ariana

ariana | Gure txokoa | 0 iruzkin

“LAGRIMAS POR UNA MEDALLA”

2008 Ekaina 16

Tania Lamarca 28 urteko gasteiztarrak, kirolari famatua izan zena gimnasia erritmikoan, bere esperientzia kontatzen du liburu honetan: nola hasi zen kirol honetan eta nola iritsi zen podium-eko lehenengo postura 1996ko Atlantako olinpiadetan.Askok gogoratuko dute, bera izan baitzen negarrez eta dardarka igo zena podium-a Olinpiada horietan.Liburu honetan Taniak kontatzen du berak bizi izan zuena Espainiako selekzioarekin 1996ko olinpiadetera iritsi arte eta gero nola bota zuten selekziotik asko pisatzen zuelako. 17urterekin bakarrik.

Liburu hau oso famatua egiten ari da Espainian eta bati baino gehiagori zer pentsatua ematen dio, gimnasia erritmikoko ingurukoei batez ere.Gainera Pekin-go Olinpiadak hain gertu edukita jarraitzaileek jakin dezatela, kirolarien esfortzua oso handia dela eta nola kostatzen den domina bat lortzea.Idazleak esaten duen bezala, liburu hau ez da inori mina egiteko; nahi duen bakarra da bizi izan zuen guztia jendeak argi jakitea; Joko Olinpiko batzuk irabaztea ez dela broma bat eta horretarako, batzuetan egin behar direla gauzak gustatzen ez zaizkizunak eta behartzen dizkizutenak.

Nik liburu hau jende guztiari gomendatzen diot, oso liburu hunkigarria iruditzen zaidalako. Tania Lamarca-ren esperientzia eta beste 5 neskena oso gogorra iruditzen zaidalako eta edozeinek ez zuelako jasango.Beraien familiak uzten dituzte denbora oso luzean ikusten eta batzuetan konpentsatzen da, kasu honetan bezela, urrezko dominarekin ; baina lortzen ez bada?

imanoll | Gure txokoa | 0 iruzkin

BLINK-182

2008 Ekaina 16

Musikako talde famatua da Blink 182, punk rock eta punk pop-eko nahastura bat da.Talde hau 1992an sortu zen Poway herrian(San Diego, California) eta bere kideak, Tom DeLonge(kitarrista eta abeslea), Mark Hoppus(bajista) eta Scott Raynor(bateria) dira. Sortu zenean Blink deitzen zen baina aldatzeko beharra izan zuten: techno musika egiten duen talde irlandar batek mehatxatu egin zituen eta 182 zenbakia jarrarazi zien.

Lehenengo diskoa atera zuten Cheshire Cat izenekoa. Honek arrakasta handia izan zuen eta Warped Tour bat egin zuten, horrelako beste hainbat talderekin. Geroago Dude Ranch diskoa grabatu zuten eta ondoren Scott Raynor bateria bota egin zuten: batzuek esan zuten alkoholarekin zituen arazoengatik zela baina inoiz ez da jakin zergatik joan zen. Orduan Travis Barker bateria sartu zen. Barker etorri zen momentutik mundu guztian hasi zen ezagutzen talde arrakastatu hau. Enema of the State hirugarren diska izan zen arrakasta gehiena izan zuena, eta batez ere, “All the small things” kantaren singela. Munduan zehar bira egin zuten eta joaten ziren leku guztietan bete egiten zuten. 2005eko otsailaren 21ean jotzeari utzi zioten. Beraiek esan zutenez, deskantsu bat merezi zuten, eta familia eta lagunekin egon nahi zuten denbora gehiago. Hemen bere diskografia uzten dizuet.

Gaur egun Tom Delonge eta Travis Barker +44 taldean daude. Ez da Blink-182 izan zen bezain famatua baina bere kantak ezagunak dira, behintzat. Beti esaten dute familia eta lagunengatik utzi zutela taldea baina, nire ustez, beste arrazoi batzuk dituzte zeren hain talde famatu batek ezin du horrela hain azkar utzi ondo doakion ibilbidea. Gainera, diskografika askok beraientzat nahi zituzten eta jarraitzaile asko zituzten munduan zehar. Utzi zutenean esan zuten 6 hilabetean bueltatuko zirela baina jada askoz denbora gehiago pasa da. Espero dugu noizbait berriro kontzertu batean Blink-182ko kideak ikustea eta bestela, bere kantak geldituko dira jarraitzaileen oroitzapenean.

imanoll | Gure txokoa | 0 iruzkin

La Fuga taldea

2008 Ekaina 16

La Fuga taldea 1996. urtean jaio zen Reinosan. Lau taldekide ziren: Edu(bateria), Rulo(kitarra eta ahotsa), Fito(kitarra, soloak eta ahotsa) eta Iñaki(baxua). Beraien lehen urtean ez zuten beraien kanta propiorik eta horregatik “Extremoduro” eta “Platero y Tú” taldeen kantak abesten zituzten. 1997. urtean beraien lehen maketa aurkeztuko dute “El camino” deiturikoa.

Lehen maketarekin lorturiko arrakasta ikusirik, beraien lehen diska aterako dute merkatura 1999. urtean, “Mira” izena zuen eta sona handia lortu zuen; Kantabriatik atera eta kontzertuak ematen hasiko dira Madrilen eta leku askotan. Gero eta arrakasta handiagoa lortzen ari ziren.

2000. urtean diska bat ateratzeko bankura joango dira eta kreditu bat eskatuko dute. Diska horrek “A golpes… de rock and roll” izena zuen eta arrakasta handia izan zuenez, EDG music diskografikarekin kontratu bat sinatu zuten. Denboraldi horretan zor asko edukiko dute bere azken diskarako eskatutako kreditua zela eta, baino kontratua sinatzeagatik produkzio handiagoa edukiko dute, espreski bi diskarako sinatu zuten eta beraien hurrengo diskarako prestatzen hasi ziren.

Hurrengo diska 2002 urtean izan zen. Diska hau, “A las doce” izenekoa, bi astetan grabatu zuten. Diskografikak bira bat eskeiniko die eta 60 kontzertu emango dituzte. ViñaRock eta Derrame Rock jaialdietan parte hartzen dute, eta esan beharra dago beraien lehen bideoak grabatu zituztela “Pa volar” eta “Conversación habitación” abestiekin.

2003 urtean “Calles de papel” diska argitaratu zuten. Honek 2002an egindako birako irudiak eta bideoak ekartzen zituen eta diska honetarako hobetu egin zuten ahotsa eta bideo berri bat atera zuten “En vela” abestirako eta diska asko saldu ziren. Urte honetan bira handiagoa izan zen eta “Calles de papel tour” deitu zioten birari: bira osoa 82 kontzertu izan ziren eta azkenean “Fito y Fitipaldis” taldearen teloneroak izan ziren.

2005. urtean beraien diska berri bat argitaratuko dute, “Negociando gasolina”izenekoa eta beraien lehen single-a egingo dute “Buscando en la basura” izenekoa. Lehenengo disken artean DVD bat zegoen eta diskaz aparte, ordurarte egin zituzten bideoklip guztiak sartu zituzten. Diska honen bira, argitaratu eta hilabete bat beranduago hasi zen eta Espainia guztian eman zituzten kontzertuak.

Hurrengo urtean, “Negociando gasolina” diskaren kontzertuaren ondoren, bi kontzertu gehiago egitea erabakitzen dute eta bi kontzertu horiekin diska bat eta DVD bat merkaturatzea: “En directo“. Honek beste bira bat egiteko aitzakia eman zien.

Hurrengo diskarekin esperimentu bat egingo du La Fuga taldeak: beraien alde intimista eta melodikoa bilatzen saiatu zen diska akustiko batekin. Diska horrek “Nubes y claros” izena zuen. Diska honetan bibolina, txirula eta beste zenbait instrumenturekin aritu ziren, pixka bat tonua aldatzeko, baina esan zuten ez zutela jarraituko esperimentuak egiten. Ondoren bira txiki bat eskaini zuten antzoki eta auditorioetan.

Aurten argitaratu duen diskak “Asuntos pendientes” izena du. Gainera, azken produkzio hau izan dituenen artean handiena da; hain handia da, “HeavyRock” aldizkari ospetsuaren azalean agertu direla. Diska hau Hegoamerikako hainbat egoeratan oinarritzen da eta lehen single-ak “No solo respirar” izena du. Aurten bi jaialditan jo dute: lehenengo, ViñaRock jaialdian eta, gero, Mediatic Festival izenekoan.

Josu Otero | Gure txokoa | 0 iruzkin

Piercing eta Tatuajeak

2008 Ekaina 10

Gaur egun gehienak gaude modaren menpe, denak ez esateagatik. Arropa, piercing-ak, tatuajeak… dena da garrantzitsua gure gizartean.

Piercingak eta tatuajeak orain dela urte asko Ekialdean edo Afrikan bakarrik egiten ziren. Baina gaur egun gizarte garatuetan modan jarri dira eta gazte asko eta askok badituzte. Ni horietako bat naiz.

Piercinga gorputzean metal bat jartzea da, eta kasu batzuetan gorputza ohituta ez dagoenez baztertu egiten du.

Piercinga egiteko momentuan ezin duzu edozein lekutan egin, kontuz ibili behar da infekzioak ez edukitzeko. Eta gainera gaixotasun batzuk ekar ditzake: Hepatitis C edota minbizia. Ondo jakin behar duzu gorputzeko zein ataletan egin piercinga, ze, adibidez, titi buruan eginez gero ezin diozu eman esnea zure umeari.

Tatuajeak ere gaixotasunak ekar ditzake eta, gainera, haurdun gelditzen zarenean bizkarrean tatuajeren bat baduzu, ezin dizute epidurala eman.

Baina gaur egungo gazteak ez gara konturatzen gauza hauetaz eta gustatzen zaiguna egiten dugu. Eta ez dugu pentsatzen gure etorkizunean.

Eta lan baten bila joaten garenean? Zer gertatzen da? Zer pentsatzen dute nagusiek? Normalean piercinga edota tatuajea ez duen norbait baldin badago, errezago hartzen dute duena baino. Askotan pentsatzen dute hori pertsona zikin edota edukazio gabekoa dela, lehenago presoek eta piratek egiten baitzituzten horrelakoak eta edadeko jendeari hori ez zaio batere gustatzen.

Pentsatzen dudana da piercingak edo tatuajeak edukitzea, zure gustokoak badira, oso ondo dagoela. Baina hobe dela leku ezkutuetan edukitzea, bestela, arazoak eduki ditzazkezu gizarteko pertsona batzuekin eta lana bilatzeko momentuan.

lary | Gure txokoa | 0 iruzkin

Europako bidaia

2008 Ekaina 3

2007 ko abuztuaren 27an hasi zen hainbeste espero genuen bidaia. Lehenengo egunean ordu gehiegi pasa genituen autobusean Bernara ailegatu ginen arte . Utzi gintuzten lekua nahiko beldurgarria zen baina aurkitu genuen ondo pasatzeko lekua eta dutxatu eta afaldu ondoren, juerga egitera joan ginen lagun guztiak .

Hortik Munichera abiatu ginen. Zoragarri polita lekua baina harritu ninduena hango jendea izan zen: ez zuen hitz egiten kaletik, bakoitza bere gauzetan zebilen, entzuten zen bakarra kotxeen soinua zen. Han hiru egun igaro ondoren Pragara joan ginen eta egun zoragarria pasa genuen: eguraldi ona zegoen eta dendaz denda gauzak erosiz eta gauza desberdinak ikusiz ibili ginen. Egia esan, espero nuen baino politagoa zen, baina zailtasun batzuk ere eduki genituen hizkuntzarekin eta diruarekin.

Handik berriz ere Alemania aldera joan ginen eta gero Holandara. Holandara ailegatu ginenean, han oso ezaguna den auzo batera joan ginen lehenengo gauean, auzo gorria eta, egia esan , nahiko harrigarria izan zen han ikusi genuena.

Hurrengo lekuak Brujas eta Bruselas izan ziren : zoragarriak. Egun pasan egon ginen eta hiri oso politak iruditu zitzaizkigun.

Baina azkeneko egunak gertu zeuden, Paris eta Disney gelditzen ziren. Han ere oso ondo pasa genuen.

Bidaia hau ahaztezina izango da , behin eta berriz egingo nuke. Baina politena , egun bakoitzean herri desberdin batean esnatzea iruditu zitzaidan. Azkeneko eguna ailegatu zenean denak goibel eta neka-neka eginak iritsi ginen.

lary | Gure txokoa | 0 iruzkin

Navarre etxera itzuli da berriz!

2008 Maiatza 26

Basoko erregina deitzen diote.Beti iheskorra, gautarra. Gutxien ezagutzen den espeziekoa da eta munduko zailenetakoa aztertzeko. Zientifikoak saiatzen dira animalia hau aztertzen baina gutxi dakigu orain arte, behintzat. Hala ere, orain dela gutxi historiara pasako den ikerkuntza egin dute scolopax rusticolari buruz. Navarre itzuli da Gipuzkoara.

Oilagor bat hartu dute Gipuzkoan eta honi emisore bat jarri diote bere soinean satelite bidez bere segimendua egiteko. Oilagorra martxoaren 3an askatu zuten eta 750o km egin ditu berriz ere askatutako tokira itzultzeko.

Lehenengo aldia izan da mundu mailan horrelako tamainako hegazti bati emisora bat jartzen zaiona. Gainera, sekulako arrakasta eduki du. Navarrek informazio ugari bidali du Errusiatik gainean daraman 9,5 gramoko emisoreak lagunduta eta hori gutxi balitz, bueltatu egin da eta ikerketari izugarrizko arrakasta eman dio. Ikerlari asko ahozabal geratu dira esperientzia honen ondoren eta orain jasotako informazio hori ikertzen ari dira. Oso baliagarria izan daiteke animalia honi buruz gauza gehiago jakiteko.

Hala ere, emisore honek baditu arazo batzuk: udaberrian denak oso ondo funtzionatzen du baina neguan arazoak edukitzen ditu eta ikerkuntza honetan ere halaxe gertatu da: irailaren 25ean jaso ziren azken datuak. Zergatik?

Lehenengo arrazoia, neguan eguzki panelek izpi gutxiago jasoko duela da. Bigarrena, Europa mendebaldea interferentzi erradiolektrikoz betea dagoela eta, hirugarrena, ehiztari asko dagoela. 4 hilabete oilagorraren berririk jaso gabe egon ondoren, ohore bat izan da berriz ere oilagor hau etxera bueltatzea. 2007ko proiektuak datu ikaragarri batzuk eman zituen. Navarre berriz ere etxean zen, Gipuzkoan, 7500 km egin ondoren. Udaran eman dituen datuen arabera ernaldu izana normala da eta hainbeste ehiztari pasa eta bere motxilarekin etxera bueltatzea benetan harrigarria. Orain hegazti honi buruz ikerketak egiten ari dira oilagor honek bidalitako informazioarekin.

aritz | Gure txokoa | 0 iruzkin

MARVEL

2008 Maiatza 26

Marvel Nueva Yorkeko komiki argitaletxea da. Ezaguna da ideien etxea izateagatik. Hortik atera dira superheroi ezagunenak: Spiderman, Daredevil, Iron man, Los vengadores, etab. Stan Lee haien sortzailea da eta 60 hamarkadan “DC Comics “eko komikietan inspiratuta hasi zen idazten.

1939. urtean Martin Goodmanek sortu zuen “Marvel”, baina hasieran izen asko izan zituen: Atlas Comics, Timely Comics, etab. Azkenean “Marvel Comics” izena hartu zuen eta bere publikazio garrantzitsuena izen horrekin egin zuen: La Antorcha Humana eta Namor ateratzen ziren, hau da, hauek izan ziren “Marvel”eko lehen superheroiak. Arrakasta handia izan zuen El Capitán América ere sortu zuten idazleek eta marrazkilariek.

50. hamarkadan bere ateak ia itxi behar izan zituen, II. Gerrate Mundialarengatik. Urte haietan zientzia fikziozko istorioak argitaratzen zituzten.

60. hamarkadan argitaletxea aurrera atera nahi izan zuten eta “DC Comics”en bezala superheroiak asmatzea erabaki zuten. Urte haietan Stan Lee agintean zegoen eta hark eta Jack Kirbyk Los 4 Fantásticos sortu zuten. Horren ondoren Spiderman sortu zuten.

70. hamarkadan “Marvel”ek X-Men atera zuen berriro merkatura.

2000. urtean komiki askoren pelikulak egin zituzten: Daredevil, Elektra, X-Men, Spiderman, etab.

eider | Gure txokoa | 0 iruzkin

Hamargarren ‘zortzimilakoa’

2008 Maiatza 15

Edurne Pasaban mendizale tolosarrak Dhaulagiri (8.167 m) gailurrera iristea lortu du. Al Filo de lo Imposible telebista saioko espedizioan parte hartzen ari zen eta bere espediziokideekin batera (Asier Eizagirre, Alex Txikon, Ferran Latorre eta Ivan Vallejo) lortu zuen gailurrera iristea. Gailurrerako bidea ez zen erraza izan, eguraldi haizetsua eta hotza izan baitzuen. Hala ere, oso pozik zegoen eta, eguraldia lagun, beheraino jaisteko asmoa zuen, bere amari gailurretik telefonoz deitzean esan zionez.

10. zortzimilako gailurra zapaltzea lortu du mendizale tolosarrak eta marka hori gainditu duen hirugarren emakumea da. Aurretik Nieves Meroy italiarrak eta Gerlinde Kaltenbrunner austriarrak ere lortu dute. Munduko hamalau zortzimilakoak osatzeko, Shisha Pangma (8.046 metro), Annapurna (8.091metro), Manaslu (8.163 m.etro) eta Kangchejunga (8.586 metro) geratzen zaizkio orain.

Lehenago ere egina zuen Pasabanek Daulaghirira igotzeko saioa, 1998an eta 2001ean, baina kale egin zuen bietan eta gainera lagun asko galdu omen zituen bidai horretan eta inoiz ez omen du ahaztuko gailur hura.

Everest (8.848m.) , 2001ean; Makalu (8.035m.) eta Cho Oyu (8.201m.), 2002an; Lhotse (8.516m.) eta GasherbrumI (8.163m.) eta II (8.035m.),2003an; K-2 (8.611m.), 2004an; Nanga Parbat (8.125m.) , 2005ean eta Broad Peak (8.047m.),2007an. Hauek izan dira mendizale gipuzkoarrak igotzea lortu duen gailurrak. Lehen esan bezala, 4 falta zaizkio bere ametsa betetzeko.

Mendiko afizio hau txikitatik datorkio eta oso gaztetatik hasi zen bere aitarekin batera. Pixkanaka- pixkanaka alpinismoaren mundura sartzen joan zen eta geroz eta mendi zailagoak igoz: Pirinioak, Alpeak, Andeak, eta… 17 urte besterik ez zituela, Ecuadorren dagoen Chinborazo sumendia (6.310 m) igo zuen eta orain, berriz, 10 zortzimilako igo eta gero, munduko mendizalerik onenetarikoa bilakatu da.

aritz | Gure txokoa | 0 iruzkin

Kaotiko

2008 Maiatza 15

Kaotiko talde rockeroa da eta Aguraingoa da. Rock talde mitikoen babesean sotu zen, La Polla Records bezalako taldeen babesean, adibidez. Berehala lortu zuten soinu berezi eta propio bat, distiratsua, sendoa, kementsua, mundu propioak sortzen dituena, originala eta transferiezina.

Taldea 2000. urteko uztailean sortu zen. Kaos Etiliko taldea desegitean gertatu zen guztia; bateriak eta kantariak zenak taldea utzi zutenean, Kaos Etilikoko beste hiru kideak geratu ziren: Fonta (baxua), Aguayo eta Aguayiko (gitarrak). Hasiera batean taldearen desegitea izan zena, berehala bihurtu zen proiektu berri eta garrantzi handiko bat, Johny (ahotsa) eta Xabi (bateria) taldera gehitu zirenean. Hala sortu zen KAOTIKO, bi kide berri hauek lehengo beste hirurekin elkartzean.
KAOTIKOkoak musikari onak dira, talentu berezkoa dute melodiarako. Beren kantu guztiak himnoak dira , eta gustu berezia erakusten dute, errepika eta ahots jokoetarako. Beren kantuetan trebetasuna adierazten dute eta bizitza soziala nolakoa den adierazten dute. Mezu biziak transmitizen dituzte, jende askoren sentimenduekin bat datozte; bere musikak pertsonen askatasun irrika asebetetzen saiatzen dira, eta bete-betean asmatzen dute, gazteekin batez ere.

2001. urtean Oihukak taldearen lehenengo albuma (“Mundo kaotiko”) argitaratu zuen; album azkarra zen. Lehenengo urrats hura garrantzi handikoa izan zen, rock talde handi bat bezala sartu baitziren milurte berrian.
2003. urtean “Raska y pierde” (Oihuka) argitaratu zen, eta berehala gainditu zuen aurrekoa kalitatean, soinuan eta salmentetan. Beren kantuak biziak dira eta entzulearen belarrira itsasten dira. KAOTIKO ezaguna izaten hasiko da eta gero eta gehiago eskatuko du entzulegoak.
2005ean CD/DVD bat argitaratu zuten (Gor) zuzenean grabatua. Ordurako publiko handia lortu dute bai Euskal Herrian, bai Espainiako estatu osoan; atsedenik gabe ematen dituzte kontzertuak eta nonnahi dira txalotuak.

2006an “Destino escrito” (Universal) argitaratu zuten. Hasierako uneak berreskuratzen saiatu ziren eta disko hau egin zuten. Taldea haziz doa diskotik diskora, emanalditik emanaldira, eta jarraitzaileak irabaziz doaz etengabe.

“Adrenalina” bere azken diskoa da. Hasierako konpainiarekin erlazionatuko dira berriro (Ohiuka). Azken lan hau denborarekin landu dute eta ziur daude bide onetik doazela. 13 abesti berri argitaratu dituzte, amorrua ematen dien gauzez mintzatzen dira eta bere publikoarekin elkarbanatu nahi dituzte beren emozioak. Eszenatokian irudi natural eta freskoa eta sinesgarritasuna transmititzen dute. Beren zuzenekoa ikusgarria da eta oso gomendagarria.

Kaotiko gaur egungo rock-punk-aren erreferentzia musikal sendoenetako bat.

benat | Gure txokoa | Iruzkin 1